Ipmaratabat Tano!

[Amomoai]

Isorat tano ini langon sa Basa Iranaon ka an di psabota giya manga pagariya tano a manga saruang a tao, ow? Adn a miyakatong rakn a adn kon a manga pd tano san sa Ranao a di iran di ipanapaos oba botowe giya isa ko bangsa tano a kandidato sa Pilimpinas. So para rakn on na ribat nda anan. Adn a oras a kapakaliyowa tano ko rata a ginawa tano ron. Kna ba imanto. Mamimikiran tano.

Ilaman, imanto tano pn makakowa sa bangsa tano a kapakay a titho-titho dn a makataban sa kambotowa sa intiro a Pilimpinas ka mlagid dn so saruang a tao ago so bangsa niyan i pkababayaon. So dn so madakl a tao sa Pilimpinas i makasasaksi sa kapasang iyan a mama. Bantogan tano aki skanian. Mipangangarig tano! Kna oba sii bo sa Pilimpinas ka sii pn sa Amrikiya.

Di tano dn png gogodn gioto a miyasowa a gioto a kapasadan o dimaninindgan ago giya beberno. Da pn nda oto phasaphasad.

Minimbitiyarai akn si aki oto isako maling ako a miyaka dowa ragon ini na osto dn aki a mapiya a mama. Ago kapiya niyan pn na mangalimbabaan. Kna oba aki makiilailayn. Kna oba lagid o pd san.

Na aya kakharibat tano na oba ari so pnggolaolaan iyan ago so tindg iyan ko bangsa niyan na oba ana pakalawanon sa giyanan a manga pd iyan a saruang a tao. O di na tharoon ta zaroman. Opama na giyanan a di manapaos na kapipikiraniyanon na mas mala i tindg gioto a saruang a tao ko bangsa tano adi giyanan a pagari tano? Skano dn i smbagon.

Mamimikiran tano. Ka aya mala a awida akal tano sa ingd a Pilimpinas na giya di tano kapakatitingki, kna oba tano makaroroyod. Amay ka so ki tingki tano na di tano pn pagongowan ka pakiilailay tano a di tano ron kakababayai, mapsambi tano ko saruang a tao, na aya iran rktano pn ari kapakatingkiya.

Ogopan tano si aki anan. Na makataban na pakaliyoon tano ron so manga rata a ginawa tano. Psapa ako ka mala skanian i tindg rktano a bangsa niyan adi so saruang a tao.

Kowaan tano a thoma na giyaya manga bangsa tano sa sdpan. Ilaman a masosowa iran anan, maririmorng siran bapiya miyakalala siran i tamok. Ungkaino oto? Kagiya di siran matataayon. Pkadrs iran a kaduratan o saruang a tao a gioto a pagari iran, bangsa iran. Di tano siran sowaan. Lindingn tano, ipaninidgan tano so manga bangsa tano.

Ipmaratabat tano giya manga bangsa tano a kandidato sa Pilimpinas ka ombs oba siran langon pakataban na. Limoon o Allah (SWT) so bangsa tano. Na go tano pkatataayon.

Ameen.