Position Paper

[Amomoai]

Isorat tano sii so manga awida akal a katawan tano a kapakay ngalbkn a giya manga datu tano sa local government ago so manga representatives tano sa national government. Lagid a giya manga osayan san i pagarikolay a alonganpizayanan. opama na lagid o kaptakora ko manga warisan tano sa manga kalaboso sa manila, a mimbabawata siran roo dn.

so pn so kaptakora ko honor odi na so maratabat tano. di kapakay oba bapiya antawaa san a tarmbias a marata i bontal a kapir na oba niya di tharowa a manga raratai paras o bangsa tano. giya na galbk on ini o manga representatives tano.

na isa pn a pamikiran sa giya a position paper na amay ka pmbotowa na paki debatan tano sa giya manga kandidato giya manga awida akal.

isorat dn so manga awida akal sa basa a iranaon. paki sorat tano bo sa mapiya a iniglis amay ka imbgay tano sa giya manga political leaders tano.

please share your thoughts. pamimikirangka, bapiya giyabo a katharo i miyogop ka sa kapakapagatorator tano sa ranao.

i will also solicit input from pissbook iranons.

[alonganpizayanan]

assalamu alaikum ko pagarikulay a aratawata,

di ma pngdagda a panalamat rka pagarikulay a aratawata, sabap ko isa kadn a maawid a akal ko kapaka gtao o bangsa a muslim sa pilipinas, lomangkap a phanalamatan tano so langoan a ma'aped sa ngkaya a aratawata.com,

phamliin a manga kandidato tano aya sa pres. si sen.gordon, noynoy, villar, erap,

si noynoy na dadn, taman imanto a banian bo mia zariat a ogop ko manga muslim a kapia'an,

si erap sii ko kia timo o manga kandidato sa pres. U.S.T. na aya kabasa niyan na isako masa nian kon na gii nian iphangonot ko manga MUSLIM igira a adn a miangolawla iran a marata, dinian kon ipagipos sa alongan, bialoy nian a ibarat so kia taponga ( polbos) nian kon ko manga campo o manga MILF.

si villar na isako mia ipos a puasa 2009 na miadn sa programa oman gagawii sa golde palace mall sa bangolo, lagid o ka pangadi,ka pagbang, manga antoka,

si sen. gordon na aya kabasa iran na pagomananian so pandi a pilipinas sa olan odi na bitoon, ka pada adat iyan kon ko manga muslim,
ogaid na langon anan a mia aloy na langon dn anan ILANG ko manga bangsa a muslim sa pilipinas, ingkaino?

katii so rkaknon o thito ka a magogop ko awida akal o manga muslim sa pilipinas, lagid o cong. odi na pres.
phoonan tano pasi ko maito'on: ibarat,
igira a pagdaka sa TAXI ko apiya andaden ko darpa a manila, ka maka pipila kapn, na andadn i kia ilaya rka o driver a muslim ka na miangowakowa dn sa dalina iyan asar ka dikaon makada,

miaka isa a phoon kami sa MALL OF ASIA sa pasay, na miokit kami sa drivethru a Mcdonalds, na miakambina ako ka sialam ako o babae sa counter a maka sasaginda sa saroang, mia tharo aken a muslim ka? tigian a oway! tig aken a andaka tag, sii kon sa cotabato, na inoka sasayan sa saroang? SIR MIAG APPLY AKO SII NA AYA BO A KIA TANGGAP AKEN SII NA SIALIN AKN SO NGARAN AKN KA DII IRAN KABAYA SO MUSLIM,

igira a adn a miangolawla a marata crime o manga bangsa tano a taga mindanao, na aya dn a tomatarsik sa press na, isa na naman MUSLIM gumawa ng krimin, ibarat i TULFO BROTHERS maana mia rangkom so manga muslim,

pamikiran ko ron:
maadn so opisina a mbarambarang a sector a membro ron,lagid o muslim, christian, lomads, etc. a langon malantas i pamikiran, apiya sasaragon bo i khapaka titindeg o opisina, aya bo a galbk iran na so katokawi ran ko manga discrimination cases o manga muslim, taros a antonaa i ki bolong iranon na katokawan o president, senators odi na sa congress. gianan i isa a miapamikir akn a kitabang iran ko manga muslims.

[alonganpizayanan]

so langowan a mi sosompat ko gii kambotoa sa mindanao lagid o national odi na lokal, iphoon sa COMELEC, tamposangka sa BARANGAY na adn a misibay a parinta sa governo a ki khaip iran, odi na mi ripot iran so manga miatamok iran sii ko dapen mitalingoma ko ka zambi o kambotoa sii sa governo.

[Amomoai]

- makapantag sa giyanan a discrimination ko bangsa muslim. adn man nda dn a opisina a goberno san. lagid sii sa amerika na adn a opisina para ko manga minorities. adn pn a affirmative action, opama na pmbgan sa privileges so manga minority ko edukasyon, galbk ago langon dn. aya galbk a giyanan a opisina na monitor iyan so manga discriminatory practices agains minorities. di akn katawan o pd anan san a gioto a human rights commission. bapiya adn na kapakay a ipd sa giya position paper tano. let our politician explain it to us o adn na antonaa i kapokaw niyan a kapakangonaya niyan ko manga bangsa muslim.

sii aki sa amerika ka miriport ka a discriminate ka so minority na kiyaproblema angka o businessman ka, odi na sii ka sa opisina.

makapngalbk tano a madakl a tao. ki sngkl tano so kabnar tano, di tano kasanaan so manga datu tano o ba siran i pagilay ko kabnar tano.

- giyanan pman a life style check na so practicality niyan na titho dn ko margn. kagiya ari a so sogoon a pag check on na skanian pn na kasogat. di akn dn katawan i kapiya a kitaros anan. titho anan ko margn. aya bo nda a kaparo niyan na ipd sa gioto a kapasadan o MILF ago GRP. odi na oba adn a maparo a people power sa ranao, ogaid na margn ka mataan so kaggdamakoron na makaraw dn a giyanan a kaatodan sa giyan a life style check.

ogaid na ipd pn sa giya position paper tano.

bgan tano sa deadline a giya position paper tano, para mailay tano i kaorianon. antonaa i pamikiran iyo san? izaan tano so manga attorney san a mala mambo i awida akal ko bangsa o ba skanian i maka sorat sa giya format position paper tano, na pamaki permaan tano ko madakl a tao.

FYI: sii sa amerika na basta adn a galbk odi na project a kababayaan o madakl a tao na di siran di poromporon, petition siran, permaan o madakl a tao, makaraot sa certain number na, kitaros a pmbotowaan odi na pmbibitiyaraian. na gioto i kakatokawiron mambo o bibirno, ago so manga representative iran antonaa i maggdam o madakl a tao.

its time we change the way things are in ranao. galbk tano a madakl a tao, bapiya sktano bo pasin a manga Arata Wata. mgay ako sa gasto ko kapamaki perma iron sa ranao.

[ABD SAMAD PANGANDAMAN]

Assalamo Alaikom...
Kataya so pamikiran akn a pd ko Manga awida akal sa ingud a ranao. ;
1. So kasimpit o kakhaoyagan o mga bangsa tano a aratawata.
Imanto na miyaka dakl so pobre ko mga tunganai tano lumaolad ko manga bangsa tano sa ranao. Madakl pn a miyaka pasad rkitano magiskuwela taman sa miyaka graduate sa college na daa galubk iran. So sabaad kiran na pagawasa sa ingud na diran dii gilobaan so kauyagan sa ragat lagid a manila odi na pd a ingud a manga sarowang a tao. Ka pubasaan i apiya andaka dn song a ingud sa pilimpinas na adn a katoon kaon a aratawata.

2. So kalilintad a kaphagingud sa ranao (Peace and Order). Aya mala a awida akal sii na so kaprirido-ai. So sabagi ko manga pd tano a adn a rido iyan na ayabo a panimoon iran na mga sinapang ago bala. Opoon adn a sinapang o tao a kaawidan iyan na maituk bo a problema niyan ko pd iyan na inibono-iyanon. Sii aya dadakl ko manga municipalities a daa gaid a kauyaganon (municipalities with less economic activities). Adn a katharo a “igira kon a daa mapunggalubk o tao na mbarambarang dn a khapikir iyan a manga rarata a olaola” kagiya idle so pamikiran iyan ago daa galubuk iyan.

3. So kaito ago kasimpit o sabot i aratawata ko titho a antap o kauyagoyag ago kaphangintao (tabia tabo makasapolo). Aya kadaklan imanto na ayabo a antap iyan ko kapagintaw na Materialistic, aya maana na anda manaya i kapakarupung iran a familya odi na so manga wata iyan sa taman sa makapangorakot opama ka skanian na gumagalubuk sa governo. So pd na apiya antonaa a business apiya drugs na phasaan iyan ka an makala i tamok ago makarupung.

4. So kiyabinasa o okit a titho a kandato, mulagid so datu ago so ndadatuan iyan na magizan siran dn a miya corrupt so pamikiran iran ko kaphagingud.

So kababaw akn i panarima ago pamikiran na giya i miya soba akn a problema sa ranao a ki contribute akn pagariko a aratawata. A manggalubuk o mga datu tano so kagagairanon ago so kalangowan o manga aratawata. Langon tano dn somarat sa problema ago solutions ka antano ma discuss i kapakaogop tano.
So pamikiran aknon a solutions na isorat akn bo pagariko a aratawata.

[Alim Ali Macarampat]

Salam rukano mga bagari akun sii ko mga aratawa ,paganay ron na okhapakay ko langon o Muslim sa pilipinas na na diniyan botoe si Erap aya sabap iyan na madakul dun so kyabinasaan iyan ko mga muslim sa pilipinas na aya mala na so di tandingan ko ingud tano a mga muslim ikadowa na sadun aki sa candidato a diphakaogop ko kapakausor o muslim sa mindanao na amala na gyaya a ranao na ditano mbotoan lagid e erap ago si mar roxas a pag oppose ko kakhakowa tano ko singanin tano ago madakul pun san ikadowa a phagusayn akun sii na masikun a giya ingud tano lanao del sur na aya panarima akunon na aymbibinasa na so mga mayor tano ka diniyan ipag emplement so titho a peace order ago development ka kadaklan ko mga mayor tano na siingka pkaylay sa mga pragatan aya a idadapo iyano so langon o perako munisipyo nyan a diniyan di paki shopping ko mga pamilya niyan na gyanan i ditano kapakausor ka aya mala a dimbinisa na so mga dato ruktano ka corruption na ayabo girakwan a kapunggumaw nyan na igira magaan so election odi na amay ka perma sa era odi na nganinsan a kahkowaan sa perak naso kasyapaniyan ko munisipyo nyan ingudiyan apya antay myatay san na banyan dun pkanug o antunaay myangolawla asark ka so era na pkakowa nyan na andamanaya e ka solve tano saya a problema ka myada so kalk ko islam ka aya minisambi ko mga manosya na so tigtano kababaya sa donya odi na nunga ko kapakatamok ka myakay sa na adun amiyanug akun a politician a mga christin a diran di discussun a gya ranao opamabokon ka aya inicemento sa ingud aranao na sasalad a maroni a perak na sobra pun ka tithodun kon ko mla a mya ilang a perak a govenro sa ranao na dadun pang improve taman dun imanto na gyanan i isa amibuburing ruktano a mga muslim sa pilipinas ka ipoon dun ko mayto ako a wata na tamndun imanto na mibabagaktano du ko development ko mga pud amga ingud sa pilipanas a knaba o batno dimbgi a governo sa mga project ka suktano pun psangka na kagiya di kiantap ko kapakausor tano ka badun pkada sa didun katawan na giyan i isa a pakaisa tano sa ginawa tano andamaya i ka solva tano sii ko mapapadalum ruktano awid a akal opamabo aki ka kapakay aso mayor a di pyapya na kapay a firing squadun na pagayona koron ka dun mada so di pangompya a mayor.
thanks to aratawata

[Amomoai]

kataya so format a giya petition paper tano. pakaontola niyo bo, ago pangomani niyo.

aya a pamikiran akn on na opama na di a tanto pamakatanaan so manga issue ka bgan so manga datu tano sa mala a space sa ka explain iran ko manga pamikiran iran.

pamakipermaan tano ini sa madakl a tao, na imbgay sa giyanan a manga elected leaders tano ago so manga kandidato. kna oba siran required makasmbag. sii kiran miyatimo. kapakay pn a so manga pd a di ndatodato na mgay sa mosawer makapantag sa giya manga issues.

aya a pamikiran sii na kna oba tano kakowa so manga solution sa giya manga datu tano, ka tabiya tabo, na katawan tano dn antonaa i manga capacity o kadaklan kiran. aya a mala a antap ini na so madakl a tao. pakitokawan kiran a so mbotowan iran na gioto pn bs i sashad iyan. sii kiran miyatimo. o di iran ipmaratabat so kabnar iran ko beberno na da a kasowa tano ron a manga arata wata. miningolalan tano so taman a pamikiran tano a kapaka kasoya tano so kapaar ko beberno ko madakl a tao.

pamikikiran iyo bo is mapiya a wording iyan ago so ipagoman iyo ron. na oba tano mapasad a giya lalag tano maybe next week na mapakiprint tano sa ranao, na antano mipoon mapamaki perma. so pamakiperma na pag educaten, andamanaya i kapag explain iyan ko manga tao ko antap a giya petition.

psaromanan akn. sii sa amerika na basta adn a kabaya o madakl a tao na pakaokitn sa petition, isubmit sa beberno. na gioto a manga elected leaders iran a diron pagayon odi na daa mlng iyanon na miyapasad so political karir iyan. giyanan i maana o ptaroon a so bibirno na bibirno a makapopoon ko madakl a tao, para ko madakl a tao.

---------

Manga Datu
Sa Pangampong a Ranao

Petition Supporting Public Discourse of Issues and Concerns of the Iranaons.

Assallam Wallaikhom.

We, the undersigned constituents of the Pangampong a Ranao, are respectfully asking your honor to explain your position on the following issues and concerns which we deemed are of utmost importance:

- Rampant graft and corruption in local government offices and units.
- Electoral fraud and violence, ie. faulty elector registrations, vote buying and selling.
- Improving economic and social livelihood of the Iranaons
- Protecting and preserving the lake.
- Reducing taxes and rents levied on small-time vendors in public markets.
- Unstable electricity and water supply.
- Rampant kidnappings, theft and violence.
- Discrimination of Bangsa Muslims in employment, purchase of real estate properties and other private enterprises.
- Teaching of Iranaon language and history in all elementary and high schools in the province.

We are not expecting immediate resolution of the issues mentioned above. But at the very least, we want to hear your opinions because you aspire for your positions and we elected you as our leaders. It is part of your primary responsibilities to protect and promote the interest of our Bangsa.

We want to start publicly discussing our concerns and apportioning accountabilities.

Respectfully,



So Manga Bangsa Niyo
Sa Pangampong a Ranao

[Alim Ali Macarampat]

Good Idea, No comment but We need Action asap

good luck and continue

Arata Wata said:

kataya so format a giya petition paper tano. pakaontola niyo bo, ago pangomani niyo.

aya a pamikiran akn on na opama na di a tanto pamakatanaan so manga issue ka bgan so manga datu tano sa mala a space sa ka explain iran ko manga pamikiran iran.

pamakipermaan tano ini sa madakl a tao, na imbgay sa giyanan a manga elected leaders tano ago so manga kandidato. kna oba siran required makasmbag. sii kiran miyatimo. kapakay pn a so manga pd a di ndatodato na mgay sa mosawer makapantag sa giya manga issues.

aya a pamikiran sii na kna oba tano kakowa so manga solution sa giya manga datu tano, ka tabiya tabo, na katawan tano dn antonaa i manga capacity o kadaklan kiran. aya a mala a antap ini na so madakl a tao. pakitokawan kiran a so mbotowan iran na gioto pn bs i sashad iyan. sii kiran miyatimo. o di iran ipmaratabat so kabnar iran ko beberno na da a kasowa tano ron a manga arata wata. miningolalan tano so taman a pamikiran tano a kapaka kasoya tano so kapaar ko beberno ko madakl a tao.

pamikikiran iyo bo is mapiya a wording iyan ago so ipagoman iyo ron. na oba tano mapasad a giya lalag tano maybe next week na mapakiprint tano sa ranao, na antano mipoon mapamaki perma. so pamakiperma na pag educaten, andamanaya i kapag explain iyan ko manga tao ko antap a giya petition.

psaromanan akn. sii sa amerika na basta adn a kabaya o madakl a tao na pakaokitn sa petition, isubmit sa beberno. na gioto a manga elected leaders iran a diron pagayon odi na daa mlng iyanon na miyapasad so political karir iyan. giyanan i maana o ptaroon a so bibirno na bibirno a makapopoon ko madakl a tao, para ko madakl a tao.

---------

Manga Datu
Sa Pangampong a Ranao

Petition Supporting Public Discourse of Issues and Concerns of the Iranaons.

Assallam Wallaikhom.

We, the undersigned constituents of the Pangampong a Ranao, are respectfully asking your honor to explain your position on the following issues and concerns which we deemed are of utmost importance:

- Rampant graft and corruption in local government offices and units.
- Electoral fraud and violence, ie. faulty elector registrations, vote buying and selling.
- Improving economic and social livelihood of the Iranaons
- Protecting and preserving the lake.
- Reducing taxes and rents levied on small-time vendors in public markets.
- Unstable electricity and water supply.
- Rampant kidnappings, theft and violence.
- Discrimination of Bangsa Muslims in employment, purchase of real estate properties and other private enterprises.
- Teaching of Iranaon language and history in all elementary and high schools in the province.

We are not expecting immediate resolution of the issues mentioned above. But at the very least, we want to hear your opinions because you aspire for your positions and we elected you as our leaders. It is part of your primary responsibilities to protect and promote the interest of our Bangsa.

We want to start publicly discussing our concerns and apportioning accountabilities.

Respectfully,



So Manga Bangsa Niyo
Sa Pangampong a Ranao

[Saidali Unda Hadji Malic]

So makapantag raken a isa a padagang sa giyangkai a meragatan na daden matago sa pamikiran aken i ba ko pagemaa so kame-Meranaw-i raken antawaa ka so kamu-Muslim-i raken. Giyoto enda i sabap a apiya miyakapasad ako ko isa ko mapiya a paganadan sa Ranaw na pekharegenan ako sa kapakakowa ko sa galebek aken ka madakel ko piyag-apply-an aken na igira a miyaloy aken a Muslim ako na di ako iran tharimaan. Giyoto i sabap a ba ako den mindagang.

Sii ko di aken di kandagang na igira miyanimbel ako sa Manila na iphagiza o manga chinese o Muslim ako antawaa a kenaba.Igira a iniiza aken enkaino iran phagizaan? aya ipezembag iran raken na so kon so Meranaw na makaaakala, di thoman sa pasad.

Igira a pitharo aken a Meranaw ako na di ako kiran den phakasembay (utang) sa stocks apiya maito bo. Taman sa miyapamikir aken somong ako sa salakaw a Chinesse sa taros a iniiza iran oba ako Muslim na piyagema aken oba ako Meranaw sa kenaba oba ko kaya nago kalek na aya mataan na thepengan aken siran.

Benar den a da a sarig iran ko Meranaw. Sii ko miyakapira a di aken kiran di kakhasokasoy ka pephanimbel ako kiran na sisyarigan ako iran sa taros a piyakasembay ako iran sa dagangan sa aya den a kambayadi koron na amay ko maphasa ko.

Khapakay mambo a komowa ako kiran sa madakel a dagangan sa taros a di aken siran den bayadan sa datar o pezowaan o ped a Meranaw. Ogaid na sabap ko kalek aken ko Allah nago pangali aken sa oba kaboringi so Bangsa ko a Meranaw na aya kalaan on na so kababaloy aken a Muslim na tomioman ako sa pasad sa biyayadan aken sa miyakapira den oto manggolaola.

Apiya katawang ko a o katokawi iran a Muslim ako na mapakay a di ako kiran den makasembay pharoman sa dagangan. Sii ko miyathay na pitharo aken kiran so benar, pitharo aken a Mertanaw ako ago Muslim ako. Tanto siran a kiyatekawan sa taros a di siran phakaparatiyaya ka so kon so Meranaw na mala i akal. Pitharo aken a benar a aden a lalong a Meranaw ogaid na kenaba kadakelan. So Chinese na miayamangeni siran raken sa rila. Oriyan o kiyatokawi iran sa Muslim ako na da den maalin so sarig iran raken. Pitharo iyan a khapakay kon a somembay ako rekaniyan sa dagangan ogaid na da ako iyog sa thig aken di pasin ka bako den bayadi so manga dagangan a piyamasa koron.

Giyanan i miyasima aken a rarad o galebek o ped a Meranaw a di mapiya.

Rilaan tano o ALLAH langon.

[Amomoai]

masa allah! giyanan pagarikolay a paramata bangtogen i mapiya a olaola. omani isa rktano na mbabaloy a ambassador of goodwill a giya a bangsa tano. sa dn sa kapkailaya rka odi na katarimaa rka o saruang a tao na gioto dn i kiyailaya niyan mambo ko bangsangka.

daa formula san a maptharo tano ko manga pd tano sa bangsa. sii miyatimo ko tathangisa o pipiyapiya skanian, kalaanon na para karespectadowan iyan a ginawa niyan. aya bo a pamikiran akn on na oman i isa rktano a miyakangolaola sa ka proud on so bangsa niyan na ipost iyan sii an aki pka oyati so manga pd tano, na an iran mambo mapamimikir a pipiyapiya siran.

gioto a kiya feature a tano ki kaka YB na gioto i idea roo. di ipangoyat ko kadaklan. sobhan allah, kataya mambo a giya totholan i paramata bantogen. i will include paramata's story in the complilation "Bangsa Gone Bad".

[kalopindo]

pok pok a limpako piko.... na! na! paka palalagoyin tano dun a mapipikir tano anan na daon so kapaki ila-ilayin...

GO! GO! GO! ArataWatanz..... WE CAN DO IT "INSAHALLAH"....

[eric balawag]

... aya mapiya na timoon langon a presidentiables sa mindanao, apiya anda sa mindanao, sponsora o manga kandidato sa mindanao, adun siran sa programa odi "TalkShow - Mindanao in the Philippines", sii na langon a pakaiza mipantag sa dalum a ranao na ki-iza sii.

kalopindo said:

pok pok a limpako piko.... na! na! paka palalagoyin tano dun a mapipikir tano anan na daon so kapaki ila-ilayin... GO! GO! GO! ArataWatanz..... WE CAN DO IT "INSAHALLAH"....

[Alim Ali Macarampat]

salam mga pagariko ayaki a ki suggestion akun ko mga pagari tano pkakandidato sa ranao poon sa governor na taman sa councilor na madun tano sa TALK SHOW SA BANGGULO ODI NA APIA ANDAWN SAN A DARPA SA MARAWI CITY na langon o candidato nambugan sa schedule sa ptaroon iyan so mapipikir iyan ko pitibarangan a ingud iyan maana a anda skuniyan makakaganat a munisipyo na aya kalaanoon na gyaya lanao del sur ago marawi city o tonay mapupulano nyan ko kapakaosor a ingudtano a ranao ago ipagisaon ago pundisscusun tano tunay mapya a pamikiranyanon ago tunaay kiogop iyan o ma elected skaniyan. sa gyaya a mga pakaisa a mya aloy a gyaya apagaritano tatandingan sa aratawata.ning.com


Rampant graft and corruption in local government offices and units.
- Electoral fraud and violence, ie. faulty elector registrations, vote buying and selling.
- Improving economic and social livelihood of the Iranaons
- Protecting and preserving the lake.
- Reducing taxes and rents levied on small-time vendors in public markets.
- Unstable electricity and water supply.
- Rampant kidnappings, theft and violence.
- Discrimination of Bangsa Muslims in employment, purchase of real estate properties and other private
enterprises.
- Teaching of Iranaon language and history in all elementary and high schools in the province.