Pangoyat ko mga kalumbayan

[Morojasan The Slave]

Assalamo Alaikom Warahmatullah he Wabarakatuh.

 

PANGOYAT KO MGA KALUMBAYAN

 

Imanto a gawii a February 11 na giyae so gawii a kiyabombae o mga sundaro a Pilipinas siiko mababaloy a darpa maana a tatarosan o miyauna a pakatatayaan tano a Amerul Mujahideen a daa ruwar ki Ustad Hashim Salamat (pakasurgaan o Allah) ago so mga pud iyan a dimaninindugan ko kiporoon ko agama tano a Islam ago kakowaa tano ko mga tamok tano, adat tano, ago bangsa tano a inagaw rekitano o mga saruwang sa agama.

 

SO AMEROL MUJAHIDEEN

 

Miyakaisa a alongan inako masa a ayakun di kambabanoga ko pinto o kapipiya a ginawa maana a dadun a awidaakal sa donya, na siyagadan akun so Ina akun a Bae (pakasurgaan o ALLAH) a disirandi magistorya ko ina akun, na minikdo sa ginawa ko a aya bo a pukanug akun na Commander Salamat (pakasurgaan o ALLAH). Sabap roo na miobay ako kiran, inipakaisa akun tunaa e maana a Salamat. Aya inisumbag iran rakun na ngaran anan o pakatatayaan tano a Commander.

 

Sukaniyan so Commander na kharaon niyan a kadapuan a dampat a lawas iyan rakus o pamiliya niya na aya sambi iyan na maka moayan so Agama tano a Islam sii ko mga phagingdan o Bangsamoro.

 

Inipoon sagiyangkoto a masa a kababao akun e idad na pimbabanog akun e andamanaya e katokawi ko ko languan a makapantag siiko Amerul Mujahideen tano.

 

Sekanian a Amerul Mujahideen na inimbawata inako July 7, 1942, sa Pagalungan Maguindanao. Siiko idad iyan a Num Ragon na matao matiya sa Qur’an, na makalalangag pun sa madakun a mga ayat sa Qur’an.

 

Inako 1958 na sumiyong sekanian sa Saudi Arabia para maka pag Hajj, na so sumiyambi a ragon na sumiyong sekanian sa Cairo, Egypt, na mininrol sa Al-Azar University, roo niyan miyapasad so Masteral iyan sa Philosophy ago doctorate iyan sa Islamic Study.

 

SO TINDUG O MGA PAGARI NIYO KO AGAMA A ISLAM

 

Inako katokawangko so thotolan ko Amerul Mujahideen na aya puman a ini paka isa akun sa ginawako na so makapantag puman ko tindug iyan ago so mga pud iyan a mga Mujahideen.

 

Miyaka isa na miya aloy o Amerul Mujahideen (Pakasurgaan o Allah) a kunaba aya sabap a di ami di kapaninindugan na kagya a aya nggogoberno sa Pilipinas na mga Chistian, maana a kunabami pukararangiti so mga Christian, ka aya pukararangitan ami, maana aya ridoway ami na so oppression (pang-aapi).

 

Miya oppress kami, ka miyada rukami so mga tamok a inibagak rukami o mga lokes ami, datar o mga lupa, so mga natural resources a patot na di kanggonaan o mga Bangsamoro imanto ago nganinsampun. Miya oppress kami ka dikami makadadatar ko mga tao sa Manila. Na aya mala a ka oopress ami na di ami mindadato sa ginawami so agamami a Islam.

 

SO CAMP ABUBAKAR

 

Sabap ko aya kabaya o mga pagari tano ko agama a Islam na mindadato iran sa ginawa iran so thito a agama a Islam na mimbaal siran sa kampo a aya bo a kitabon na so mga katharo o Allah sa Qur’an ago so mga Sunna o Rasul.

 

So mga wata o mga Mujahideen na piyakapamangadi iran piyapiya, miyamumulaan siran sa mga piklasi a pamumulan. Na aya mala na piyakawatan iran a ginawa iran ko ‘’kanJahilliya.’’

 

Kagiya a miyakala so agama Islam sa Camp Abubakar na so mga suranga sa agama na dairandun pangonotun oba adun a maito bo a darpa sa Pilipinas a baon mipoporo so agama tano.

 

Na inako 2000 na tinimo a Goberno a Pilipinas so langowan a sondaro iran na piyaakawa iran so mga Mujahideen sa Camp Abubakar kaan siranun maka pangiyaw sa baboy, makapaginom sa pakaburug na nganin sampun a mga kadustaan.

 

Na aya minisambi na siran puman e diyon di mamomolaan. Aya kawlad a Camp Abubakar na 5,000 hictares.

 

BULIOK COMPLEX, PAGALUNGAN, MAGUINDANAO

 

So kiyada a Camp Abubakar na aya biyaloy a Islamic Center o mga Mujahidden na giyaya a Buliok Complex, Pagalungan, Maguindanao. Siini matatago sa Liguasan Marsh, a mala a madididalemon a tamok datar o NATURAL GAS ago PETROLEUM.

 

Sabap ko ayapuman a kabaya o mga tao a miyakakaid ko Bangsamoro na makuwa iran so tamok sa Liguwasan Marsh ago ma erase iran sa mapa so agamangka a islam, na ago iran milubung dun nggagaan langon a tatandingan ko MILF, na tinimo iran puman so sundaro iran na inako February 11, 2003, na dadun a adat, na dadun a sabap na biyombaan iran so mga Mujahideen.

 

Aya masakiton sa ginawa na siiran inipantag ko gawii a mala a susulaan o mga Muslim sa donya maana a so Id’l Adha. Matitimo so languwan a muslim sa Masque a pagoolowanan siran o Amerul Mujahideen tano (pakasurgaan o Allah), ibabagak iran so mga timbak iran, ka aya mapuniniat iran na simbaan iran so kadunan iran. Ogayd na badun miyamakatana so bomba sa pantag iran na madakul a kiyasakitanon, ditadun pamakatanaan e antonaa e pud a miya olaola.

 

Na so pakatatayaan tano a mawarao a Amerul Mujahideen ago so mga pud iyan na dasirandun liyo sa masgit taman o da mapasad so khutba. Na aya kiya orianon na miyakatimbaka puman so mga Mujahideen ago so mga sundaro, na aya puman a kiyabinasaan na so madakul a civilian, subra so 800,000 a kadakul iyan a tao na miyaka awa ko mga walay iran.

 

Inoto a badi ini promise e President Gloria Macapagal a miyapanotol e Sec. Eduardo Ermita inako peace talk siran sa Kuala Lumpur Malaysia siiko mga Mujahideen a didun miki putimbaka a Governo a Pilipina sa MILF? Kapanalimbot oto!!!

 

Na kagiya a mararanon so pakatatayatayaan tano a Amerul Mujahideen, a babalowin  a ama o langowan a Muslim sa Mindanao, na bulayoka o langon a mala e paratiyaya ko Islam rakuson so miskin ago kawasa, na katomo iyan badun a MASAHID sa oras oto.

 

Sabap roo na miyaka goraok so mga Mujahideen a tigiran a tomo a bakamidun mapolampolang na maruga rugas a lawas ami sa giyangkay a bomba a panga oolog rekitano imanto agi sa bami mailay a adun a mutak a satak bo a rugo ko Olowan ami.

 

Na kiyaliwanagan bo inako mataroon o MILF Central Committee Vice-Chairman Al Haj Murad Ebrahim a suka e ama ami, na tonaadun e sowaan ami madaka rukami, andakami kowa sa isambi amirka ya Amer. Madaka na kadaan sa bagur so mga wata aka, na giyaya a lupa na mada rekitano na badun pakabagur so tindug tano.

 

Sabap roo na sii miya kaapas so Amerul Mujahideen sa Lanao del Sur, na taros a so kiyapakalupas o miyaka pipira olan a kiyada puman a Buliok Complex na tiyarima o Allah so Amerul Mujahideen inako July 13, 2003.

 

Miyaka receive ako sa text na aya mapapadalumon na so Amer na tiyarima o Allah, na dakoron pangimbunar, kiyambantayangko sa News na dakorondun pangimbunar, miyapanotol o mga tunganay ago ginawae na dakorondun pangimbunar. Na miya ka isa a alongan na mikulas ako sa MSU na apya andako sangor na mapoti, miyamaka ilay ako sa mga popoti a streamer a aya matatagoon na WE MOURN THE LOST/DEATH OF OUR AMERUL MUJAHIDEEN.

 

Na miyatatak a lo akun, na aya miya piker akun na ino sakun e damatay. So mama a minikaput sa puso akun so kapiya niyan e adat ago so tindug iyan ko AGAMA ko na ramig miyatay na dako babo mailay sa personal. Sabap roo na misapa ako ko tohan akun a miyangadun a ayabo a kapakambulag ami ko piyamolangka sa puso akun ya Amer na milubung ako ko lupa maana a tarimaan ako mambo o tuhan.

 

Assalamo Alaikom Warahmatullah he Wabarakatuh.

 

[Amomoai]

mapiya a giya totolan ka sii pagarikolay a morojasan. shokran jazeeran! pangimbnar ako a gioto a si hashim salamt, gioto a amerul mujahideen, na mapiya i pamikiran ko bangsa tano bapiya di akn katawan i personal history niyan. balabao ron roo sa magindanao a so manga bangsa tano roo na tanto siran a kiyabinasaan sa giya kapakapapantag tano ago giya a beberno a pilimpinas. siran roo mambo sa solog na kiyabinabinasaan siran. sktano pman sa ranao na si pilandok na mapasang i kapolitika, na da tano tanto kabinasai. ino gioto, sa pamikiran akn on, na adn a manga datu iran ago manga pagtao iran a pkatoon a titho dn a paninindgan to bangsa, ka kiyawiswisan siran.

panginta ko allah a mamakasorga gioto a manga bangsa tano a ikhlas dn a kiyapaninindgan iran ko bangsa ago so agama.

adn a pakaiza akn saya, ka aya mala a bali a giyaya a darpa tano na so di kapakassmbaga o manga pamikiran. isako so milf na siran i maka control san sa giyanan a highway sa malabang ipsong sa kotabato na di kaokitan. di panolisan in broad daylight. da dn a kokoman sa giyanan a karsada. ikadowa a ipagisha akn na kagiya aya di ipaninindgan a giya manga bangsa tano a mujahedeen na so madakl a tao na ino siran ini di pakasapar sa giya manga datu tano ago manga government employees a di pamaginontolan? da dn a kiyasodasodaan sa giya ingd a ranao, na aya nda a patot na giya di maninindgan na makabgay siran sa maito a mosawir odi na galbk sa kapakapagatorator tano. di ta dn pamakatanaan so manga awida akal ka katawan tano dn langon.

sa manga pd a ingd a adn a di ron di maninindgan na plabotn iran so masosowa ko dalm a ingd, kagiya gioto a ingd i maana o di iran di prasarasayan. manga pakaiza akn on bo ini. mapiya o maosay ingka rkami so dingolaolaan o manga mujahedeen ko kapagnd, kna oba roo bo sa kampo iran. mapiya oto a gioto a siowa iran roo sa kampo a kapamomolaan.

so pamikiran akn on na pmbagbagr tano sa ginawa tano bago tano antapi so manga kontrai tano. andamanaya i kapakataban tano odi na kaprespektoi iran rktano i tabiya ta bo na manga kaloshak tano, ka di tano matataayon, magogorimt so kapagingd tano, da a kaoyagan tano, langon dn awida akal.

sallam rka san, prilaiakongka pagarikolay.

[Morojasan The Slave]

Asaalamo Alaikom, paganay a pamukasan a lalag ko na pakitukawan akun rekitano a kunaba ko member a MILF o nganin san pun a mga gropo. Isa ko ko kadakulan a miyaborarat a mata niyan sangkaya a masosowa o ditano di kapagintaw.

Aya mataan a bunar na opama ko sumbagen ako angkoto a makapantag sa Ramos High way a miya aloyngka pagariko na maka pamukhag ako, ka aya osto na diko katawan angkanan a pakaisa aka.

Ogayd na opama ka sakun e kapapantagan a membro sa central committee o revolution a pakatindug sa akir a gawii na isapar so langon a kapangarasi sa donya na aya punishment iyan na sadun sa miya aloy sa qur'an, na daa piliin a pamilya sa ranao, apya langon a bangsa na rekiyan na gopoon miyakasogok ko kabunar o padagang sa lana na kitanaon so punishment iyan.

Giyangkae a mga pagari tano sa struggle na diran kabaya oba aya marido iran na so pagutaw iran, imanto a masa na gopoon ka sapari so dato na miyaridooka so langon o bangsa niyan, na gopoon manug a goberno na siyolsolan iran na go iran bigi sa timbak na sukutano puman e mipolang a mga meranao.

Aya mapipkir o mga dimaninindugan na kagiya a maito so bagur iran na saya iran langon pagosara sii ko titho a ridoway o agama. Na makataban siran na gobo pagirisa sa mapa langon a tao a dapaginontolan. Ditadun paka tanaan e atonaa e okit iyan, ogayd na osaken e isa omiyog so kadunan e makakaput ko revolution na inshallah na kakowa omaniisa e antonaa e patot a rekiyan.

[Elias D. Madale]

Salam...mapiya ini a thotol jka ki pagarikolay....