Ikapdi Tano so Kandidato

[Amomoai]

Oway, ikapdi tano so manga aala i kapdi a manga kandidato. Tarimaan tano dn so manga pammgayan iran, na mamanton tano pn. Paka dilimapolonggebo so satiman a boto, an di siran dn makapkandidato saroman. Na isambayang tano siran, pamangniin tano ko Allah a mamakasorga siran ka mishadka siran ko tamok iran. I mean, inishadka iran LANGON so tamok iran, siran dn a isaka mbinabataa, taman sa miyapapasa iran so manga walay iran, manga trak iran, inipangotang iran pn a kinikapdiin iran ko ndatuan iran.

Na amay ka pmbotowa na DEEEEEEE tano siran botowan ka sayang so rahma a miyakowa iran sa gioto a kinipangapdiin iran ko ndatuan iran. Amay ka pagisaan ka iran ino siran da botowi, na tharowangka kiran a para sa kamapiyaan iran a manga kandidato. 

Pakarao ako sapa ka opama ko sabagi ko bigan iran sa perak na da kiran boto, na di siran bo makapamono. Adn ari a tanaan iran sa Ranao oba siran makapatay sa mirampay sa tlo bo katao ko ndatuan iran. Aya pn ari oba siran makapatay sa dowang gebo a tao. Di siran ari ma-AMPATUAN! mkk...

Sa gioto a pisapaiyan iyo a mbotowan ka siran na DADN aki a bale oto ko agama ago sa legal system a pilimpinas. ILLEGAL oto sa kokoman a pilimpinas kapakay siranon a mapriso. Lagid oto mambo sa agama, na ikanaraka iran AGO SKA MAMBO o sowaangka. Sokang oto ko agama. Na, na miyakakowaka sa dalina aka sa dingka kiran kambotowe na antonaa pn i tomoon ka? Miyakakowa ka sa perak, miyakakowa ka pn sa balas ka da mitaros a gioto a marata a pamikiran a gioto a kandidato. Win-win situation. Astaga!

Opoon ka siran botowe odi na ma pd ka sa galbk a kapakataban o taribosaw a datu na tatangd angka dn a adn a kanarakaan ka sa gioto a pamamankawn iyan, ago sa dn sa ondas a gioto a marata a galbk iyan. Lagid o di kapasad o karsada, clinic, school buildings. SO ALLAH NA MATITHO I KOKOMAN, KALKN KA.

Aya mala a pamikiran tano ron sii na oba maoma gioto a gawii a so manga kandidato na malk oba siran pamgay sa perak kagiya pakasayan siran sa Santa Claus. Opoon siran langon manganogon ko tamok iran na gioto nda i kapakapiya niyan. Ati ba iran ba dn di ishadka so tamok iran, di siran sigorado. Gioto i kakhagnki sa giya kapasai sa boto. Di kaparo obangka ba dn kiran pagangaya a targan iran. Tai dn a koda oba iran targi. 

Sa gioto ipangapdi tano so miyangapdi rktano a kandidato. DEEEEE tano siran botowan, ow?

A, obangka darainonn na pamanton ka sa shadka sa langon a gioto a makapapantapantag a kandidato. Pakaosogosog kaon, an siran mambo makalalai balas. MKK...