Debate sa Giya Kapakabbtad.

[Amomoai]

Aya a pamikiran akn sii na debate tano. Isorat tano so kabnar o datu ago so ndatoan. Na antano mailay i antawaa osto i kasnditan sa giya ka karirimorng a giya a ingd tano.

Paganay ron na tndoon tano so manga participants sa giya a debate. Ogaid na bapiya antawaa na pakapangpd on. Ba nda mapiya na sa dn sa psorat na ptaroon iyan anda skanian maaapd: ko datu odi na so ndatuan. Para di mabaribao so sorat na, sa poro iyan na isoraton na (D) o sii ka ko datu, (ND) o sii ka ko ndatuan. 

Kna oba tano sii pmbobono ago pangataki sa datu ow? So okit a giya Kini.Kini.Revolution na kangiginawai.

Okay, antawaa i pamangpd sii ko DATU?

1. Isa ko ron, si Arata Wata.

Antawaa i pamangpd ko NDATUAN?

Kasoyn akn, igira adn a isorat ka na pooningka sa (D) odi na (ND),

Antawaa mambo i pakabgay sa manga topic? O ba giyanan dn a sold a position paper tano? O ba tano pamakatanaa? 

[Saidali Unda Hadji Malic]

ND: So sii rakenon na kiyadaan ako den sa panginam obako peraota so thitho ago maontol a kanggobirno sa RANAW. Tonganay den miyathay a masa ka kembo ako den pephakatanod na daden a miya alin ko betad o IRANAON sa Ranaw inonta na maito. Aya ibarat aya na igira a miyaoma so kambotowa (kapamili sa olowan) na diden khapakay oba di pamegay so kandidato sa pirak maana pephamasaan iyan so boto o ndatoan (Electors).

[Elias D. Madale]

ND: So datu na o mailay o ndatuan a magiinontolan ko Allah na mapakay a maginontolan mambo so ndatuan, so kabasa i pagarikolay a Paramata Bantugun taman dun imanto na giya a Ranao na lagid dun o izan iyan, na izan o lagid yan, miya kapagoyon kami ron...imanto na so langon a sector o kaoyagoyag lagid o mga Professional rukutano na kiyatupungan tano dun, so mga Ulama na kiya taaman tano dun, na langon aki mga pipiya...hehehe,

[Alim Ali Macarampat]

ND: prilai ako nyo ugaid na aya maptaro akun rukano mga pagariakun na langon a DATU sa RANAO a Elected na palayadun manafiq odi na kapir na aya sabap iyan na paganayron na ayambidaan o muslim ago so kapir na sambayang ikadowa na so munafiq na bukhag ago aya dinggulawla sa marata maana a mararangkom iyan so langon o olawla a dikabaya o ALLAH subhanoho wataala ayasabap iyan na so sakunon na ipoon sako wata ako na tamandun imanto na dakodun maylay oba so ingud ami na obako run myakadaya papasyo ka badun basa i makapsinub tawon sa lapot ago so kibasaon a makapmbawata so mawgat sii ko karata iyan ago kargun iyan karsada ikadowa na apiya so lalan na na myakirimrimung ka pkaluk tawon lumalag ka batawon badun toka a uld nagiyanan i isa aso datu na diniyan ptandinganun so ingud iyan ka anda dun i kyaypos o election a myakataban na inidapo iran a pamilya so era sa pragatan aya na ayabo a kapsong iyan sii kondadatoanyan na amay ka perma sa era ago igira amagaan so election. ipamaman ka langon o datu sa ranao ma magi islam na isa a giya ingud tano a ranao a titho mapiya a ingud an developun ka myakapya pyae view a lake tano anan ikadowa aptaroongko na kadakun sa ingud tano na aya mala na giyaya a marawi city na daa egiran ago pkadapun so kuryente ka so datu na diniyan pagatorun pya piya na aya pakaisa akun mga pagari akun na inowari a so mga suranga tano sa agama na myaka piyapiya so mga ingud iran thatagupya siran ago mga uuntol siran ko kandato inumangaday baso islam na banyan da sogoon so kaginuntolan? masikun a insugo iyan na inoto di pungulawlaa o mga datu ruktano baadun a agama iran so mga datu tano a salakaw ko islam ago so suranga sa agama? ka aya pakaisa akun na so islam na inusogo iyan so kapangompya ago so kapaginuntolan na so mambo sa agama a christian na inisugo iyan mambo ka ka odaniyan soguoon ko mga suranga sa agama na langonda a ingud a kandadatoan o mga christian na dimapya na kagiya siran i mapya i kapagingud adi suktano amga muslim sa pilipinas. inoto mgaday? mga pagariaakun batano di matondatu odi na babayabo akatawan tano na kapamankaw odi na kapamuno odi na kanggulawla sa di mapiya?

[Jalal]

ND: Benar dn angkai a manga kabasa a manga pagari akn ini a mianga u-una so manga lalag iran, kailangan aya mamaka tendeg a manga Pendadatu na so Pendadatu a manga Datu a Mapaparatiyayaan go Maaleken sii ko Allah a adn a manga sabot iran sii ko di kandatue sii ko pagingedan. Sa mada sii ko manga datu giyae a isa a kalalayaman a systema a kasoborno " Kapamasa sa Boto" go kababaloya sii ko Politika a mailao a business.

Sabap sa mimbaloi imanto a business so Kapolitika sa inged tano, phamasaan o manga kandidatu so manga boto tano. Na sabap mambo sa kareregni ko manga pagtao na dii iran di mapasa so boto iran ka tomoon iran so "short term benifit kaysa long term benifit". Makataban mambo si kandidatu na bawiin nyan mambo o so miyang gasto niyan, na paka-interest niyanpen so miyang gasto niyan.. aya mambo a miya sowa na daden a lamba ko IRA o inged tano daden a iinaamen tano a mga Ompiya.. Amaika didn ini mada na ayadn a a pendadatu sii rektano naso manga Datu a manga tekao, manga Datu a Pusher sa Drugs go manga Datu a a manga ala e tamok a makapopoon so manga tamok iran sa di mapya. Kamamasaan tano imanto a gya mia aloy tano a manga Datu na aya komakalilid a pekataban.. tsk..tsk...

Sii ko masa o mga lokes tano a miyanga uuna a mindadato na aya kapiya o kiyandadato iran na kagiya da maadena giya Kapasa go Kapamasa sa Boto, aya mambo a masosowa na so Ompiya na minggogolalan.. Aya kasowa ini na makapag salimbetad tano sa makaogop tano sa madaa giyaya kapasa sa boto go kapamasa sa boto.. para so Ompiya ko inged tano na aden minggolalan.. dimaka pamankao so Datu amayka ka da sesekaten niyan a miyang gasto niyan sa kiya kandidato iyan..

[Amomoai]

Aya nda a mapiya saya na adn a moderator tano, opama na tomanor sa giya debate ka an iyan pka tndo so issue na antano niyan mapakaator igiraman oto a kiyasaogan so smbag tano sa kna oba makaaatod ko subject or question.

Madakl ini a manga pakaiza, na mapiya on nda na omani isa a pakaiza na satiman a thread iyan, para di makapsaosaog. Ogaid na giyaya a thread i root a giyaya a debate.

Samanaya na aya pakaiza na giyaya a olaola a giya manga elected leaders tano. Kataya so rk akn on... (da ari a pd san a tampil ko manga datu na. MKK)

(D) Isako pkandidato ako (kna oba sakn, omamanti bo) na pitharo akn rkano a psalimbago tano. Di ako pamasa sa boto ka kna oba ako pamankaw. Oba ari di pamorota so pirak sa lalan? Anda kowaa so ipamasa sa boto iyo? Pmankawn, duh! Katawan iyo oto a madakl a tao, sasabotn iyo. Aya bo a bayok iyo a ndatuan na o da a pirak ka na di kadn pkandidato.

Na aya on masakit na taman ko madasg akn, manga pakiwataan akn na da ako iran botowi ka kagiya da akn siran mapamasa.

O di pitharo rkano pn o sabagi a ulama ago manga Arata Wata a kuwaaniyo dn a giyanan a pammgayan a giyanan a manga kandidato na botowi niyo na so datu a titho a ipangalingagaw kano niyan ago ipaninindgan iyan so kabnar iyo, sa da dn a kanarakaan iyo ron ka o miyasabap rkano a di kangolaola o marata, opama na di kaelect a gioto a tarabusaw a datu na di makapamankaw, na kabalasan kano ron pn. Da niyo dn pamamakin'ga a madakl a tao.

Ino pman a da dn a kailay niyo ko IRA ko sold a tlo ragon? Kagiya mbayadan a gioto a manga pagaria akn ago manga tunganay a miyag invest opama na miygay rakn sa pirak sa inipamasa sa boto iyo. Na mapasad pman oto bayadan, na makapanimo pman para sa next election. Adn pn aki a manga datu san a di paka bawe ko sold a tlo ragon, balabao ron gioto a kna oba mayor ka vice mayor bo, na da pn a kakaptan iyan ko IRA.

Ino pman ako di makatapotapok sa Cagayan ago sa Iligan? Kagiya di ako tangka sa awidan. Isako da ako ma mayor na maito so tabang akn, sa bo sa kalotang akn on. Imanto na taman sa pansom ago karatas a gioto a manga wata iyo na pmangniin rakn. Sakn bo i lalangag'n iyo a manga pagtao, sa perak. Ngotodn a oba adn a isisibay a beberno para bo ko awidan sa Ranao. Da man. Langon a giyoto a di akn di ipagambog a tabang akn rkano na pkowaan oto ko IRA, a langon oto na adn a paka aantapan on a beberno, da a extra on para itabang ko minitata rkano, so miyamono, so miyagospital, etc. Langon dn aki oto di pamamankawn.

Kiyatrangan ako mambo mamankaw sabnar ka pmbantogn ako niyo igira man oto a miyakadarpa ako na mda ako sa pajero ago gilang gomilang a gioto a walay akn, langon dn oto piyamamankaw.

Miyakapamasata sa boto ka di ako niyo mbotowan o giyabo a kaptharowa rkano a pagikhlas ako. Miyakapamankaw ako mambo, duh!

Gowani na di makapaginontolan so datu kagiya miyadatu na kna oba mikandidato. Kna oba niyan pamasaan so boto o madakl a tao, kna oba adn a pipikirn iyan a panimo pman para sa next election.

Ino ari igira si sii ta matatago sa manga ingd a pilipino, pkabantogan taon sa kapiya ta a datu. Anda dn i kandatu ta sa Ranao na mimbaloy ta a tarabosaw. Skano aki a manga ndatuan i manga tarabosaw! Ptolisn iyo so manga datu iyo in broad day light, left and right, front and back...

[Amomoai]

(D) Skami a manga datu na katawan ami so kabnar ami sa kipapantagn ami sa giya manga ndatuan ami. Tiolis kami niyo sa gioto a ka kiyakandidato ami, na tolisn ami skano mambo sa katatago ami sa kadato. Skano a ndatuan na di niyo ipmaratabat so kabnar iyo. So tig i Erap a weather, weather lang!

Katawan iyo a da ako pn matori, di akn katawan i masosowa sa dalma ingd ka sii ako mababaling sa manila di ako roo di mamr'g ko ipakawit rakn i ama a datu iyo, na biotowan ako niyo kagiya wata ako odi na karoma ako a gioto a miyakagraduate a miyaona a datu iyo. Gioto bo i qualification akn. Katakatawan iyo dn a daa sashad akn, aya bo a kiyakandidato akn na kagiya oba rkami di mada a giyaya a kadatu. Na biyotowan ako niyo pn.

Opama ko gioto a piyamamasa ami a manga boto na da pamoto rakn na antonaa i kasowa akn? Di aki mapakay obata pamonowa a gioto a kominowa ko tamok ta. Makabono kaon sa mirampay bo tlo katao na andaka tana sa Ranao? Di ka iran ari kiyadas. Ogaid na lagid dn o di niyo oto sasabotn. Miyakowa niyo a dalina a opama na odingka botowi a kinowangka so perak akn na pkalk ka ka mbonoon akn ska. In the first place, na gioto a kontrata niyo rakn a kiyapasai tano sa boto na ILLEGAL oto, da sa kokoman a pilimpinas ago sa kokoman o agama.

Da dn aki a kapagagama sa giyaya a kapgingd tano sa Ranao. Da a agama o ndatuan, da mambo a agama o manga datu.

[Alim Ali Macarampat]

uhhmm..... uhmm...... pakasinga ako ari pagariko ka sa giyaya a sumbag ka sii ko side o datu ka lagid odi sungkai si isul ago si kasisang a mlagid sa baw ago mlagid sa trukan samanoto na palayadun tukhaw so ND ago so D aya sabap iyan na kumiyan siran lanon ko ompya sii ko ingud tano ago masikun asondadatuan ago sondadato na palayadun kafir munifiq ago daa agama niyan ka upama ka sukaniyan ma muslim a magaagama sa islam odi na christian na katawaniyan so marata ago so maapiya na giyae a mga tao sa ranao so pud a diron ki ulawla na mga (PAGAN) odi na pagano- people against goodness and normally aya sabap iyan na diran kababayaan so kalilintad ago so kapakapya o ingud iran. ka bnar o Datu alagid aya o kandagang a kailangan na makakasoy so capital ago kailangan na adun a profit odi na laba ko basa mranao naso Ndadatoan na bnar iran mambo ka adidipuman aki atigiran a adun amiyakantawn ko inibugay o datu ka lagid iyambo aki ka Pamankhawn iyan bo ka khadasun iyan na ipaguntod iyan sa manila odi na sa cagayan iligan boracay na tumo a adun amipamasa kuron sa timus ago isa ka kilo a margas ka mlagidbo ka di pangompya so Datu. na mga pagariko na PAKAISA TANO TUNA AY MAPIYA A SOWAAN TANO SA KITARGUN SA GIYAYA A AWIDAAKAL TANO SA INGUD TANO A RANAW KA KAGIYA SONDADATU AGO SO NDADATUAN NA MLAGID SA TRUKAN BATANO SIRAN LANGON DUTII KAPAKAINOMUN TANO SIRAN SA IPAMATAY IRAN KA LAGIDYANBO KA PALAYADUN TUKHAW AGO TARABUSAW KO INGUD IYAN, SA BATANO SIRAN BADUN PAGAYONI ASO KHIBASAON SA ENGLISH A IF YOU CANNOT BEAT HIM JOIN THEM.

[Ahmad Suharto]

Salam,

Mga pagarikolay, tabia rekano with all due respect, na i-suggest aken a awaten tano malo so mipantag ko politika sa Ranao. Sasabuten tano den anda taman i rarad o phamangped sa politika apiya pen aden a mapya a niyat iyan na katawan tano so mga limitations ago inhibitions iyan melagid sii ko parinta ago sii ko ginawa nyan. Let’s go back to the nature of our aratawata.com- kini.kini. revolution maana phanamaran i kaalin o kaphaginged sa andamanaya i so madakel a tao na siran i kuat na siran i nggalbek sa kaalin o betad o inged iran.

Myailay tano den so politika sa Ranao ko myamanagad a ragon a da den a ba on kisana ko kamapyaan o madakel a tao. So miyamakalaon i tamok na da bo mathay na myamanineb siran bo na da bo kanggunai o madakel ko mga lolot iran so myatamok iran sa politika. Katawan tano a so kashalin-betad (social revolution) na aya phakaandaron na so bager o madakel a tao. Na sii ko kaphaginged tano sa Ranao na so madakel a tao na lagid o di makaaragen anta ka lagid o di mangintotorogen a mimbaloy den a daden a labot-lambay o kadakelan ko kamapyan o inged ago so maginged. Gyoto a kasoyan tano so antap tano ago mbabanog tano sa mga bago a okit a kasabapan sa kaalin o pamikiran o phaginged sa inged a Ranao.

Pamangilayan sa okit i andamanaya i kasaboti o khakalilid a so inged tano na da den a progress iyan ko pat polo a progress. Da den a ipagusur o kaphagintaw ron. Sa imanto na di sasabuten o kadakelan na apiya so somasabuton na kyadaan sa panginam kagiya da khailay odi na khapikir a mapya a pagukitan kagiya daa puonon mamimikiran. Giyabo a inged tano i inged sa 21st century a da ba nyan massive local TV a maphakarayagon so mga betad o inged. Sii sa India na apiya ngoto a mga probinsiya sa kilid a Himalayas mountains a langon farmer a kadakelan ko mga lokes a phagingedon na aden a mga booths a hi-tech a pesung siranon para phakasend siran sa lagid o text messages sa intiro a India. Na gyoto na onga oto o panaguntaman ko kaalin o betad.

Sii peman ko morality na so inged tano ago so pagtao tano na opama ka pamomolan na tanto den a myarayong so agama tano. Myatago den sa crucial stage so agama tano ka minibagak so kaphaganadaon na apiya so ped ko mga myamaganadon na salakaw a byarionsongan iran sa otek iran. Imanto na so mga kangodaan rekitano na di iran den ikhaya phakamawagen sa ginawa iran oba pekhailay a sii siran ped ko mga palaobug. Ilayangka kadakelan sa mga toladan a mga kangodaan rekitano sa Facebook, Friendster ka madakel so madadangaon sa mga beer, pakabereg na lagid den o da den a kayaanon o mga Muslim a Meranaw. Antai madadanga sa mga nigo a mapepeno a DVD a porn sa Quiapo odi so ped ko mga bangsa tano? Antai dimnanaikadi a entiro o gasto o naikadi iran na haram a kapakapopoon iyan? Ba da den a kalek ko Allah ago puron ko paratiyaya?

Sii ko economic distribution na pekhailay tano den oman gawii sa inged a Ranao. Sisiringan so mga lawig a kyaguguran ago so mga gilang-gumilang a mga torogan. Tanto a di ikharata ginawa ta ngoto a mga ina tano a diindadagang sa mga raon a litha, laget sa Padian a kembu ako phakatoos na gyoto bo i source of income iran. Da iran den kataami so kapadedekha o ginawa iran. So ‘journey of lifetime’ a hajj ko kababaloy iran a mapaparatiyayaan na matag baden tutul.

So peace and security sa Ranao na anda taman i kyausur iyan? Pekhatanodan aken inako maito ako a ayabo a maaneg ta sa DXRM na announcement a phakitokawan san sa Indaratila a si Polan na kyadoratan sa Banggolo. Imanto? Myada so lagid oto a mga announcement na minisambi na masolen a kapkhamaratai ko tao. So kababaya o Meranaw sa rido na da den kababasi.

Sii ko education na antonaa i kapapantagan a status o education o pagtao tano? Myakadakel a iskwelaan sa Marawi na ino mangalayok myakausur so overall a status o education o Meranaw? Imanto na aden a mga wata a Meranaw mga iito a sii di pamagiskwela sa mga ped a inged a aya den a sabot iran ko kaphagintaw na datar o sabuton o mga Pilipino. Myabatiya aken a blog o babay tano a myagiskwela sa US a aden a pamilya a Meranaw a kyapamisitaan yan sa US a so wata iran a mama na aya di niyan di pagiskwelaan na ka-phari na banda niyan khabayai comonvert a Ranao.

Na anda tano imanto sa giya myangaaloy? Antonaa i mga okit a khapikir tano a mi-counter-attack tano ko negative? Oba tano baden shanai a nganan a mga politician tano a mga ala i amba na lagid tano mikhapkapta a peranga-rengan tano tumipu sa baya. Pokawon tano so mga bangsa tano ka aniran manggedageda a titu a ana awida akal ko inged tano. So mga ideas sa imanto na aya kailangan o pagtaw ka an makanggimoat ko kamapyaan o inged tano.

Tawfikan tano Allah ko nganin a ikhasoat Iyan a ipthagumpiya o inged tano. Ameen.

[Mohammad Ali]

Mga pagarikolay pamaka baden paka ibarat giya masosowa a ranao sa computer program na dibo di kasokasoy di mag looping ka so process design maana naso ka elect sa mapya a ndatoon na dika kasowa, na aya mambo a miyasowa iyan na so datu na lagido program source code tigka oba tito a kasarigan na amaybo bes ka eni load seka nyan ko computer machine ka pakipunggalbukun so assignment iyan lagido kapagontod o proclaimed a datu na madakel bus a bugs ko program a maana na seka nyan na korakot na mag hang tomarug den so computer na taman sa diyon mada na mabinasa den pen so functional area nyan lagido ingud sa diden mi improve taman sa diyon mada so datu a korakot (bugs).,The Algorithmic of Ingud a RANAO when it comes to voting.
Slide1.JPG

prelae ako niyo oba aden a da niyo ikasowat sa da nyan kasowa go sa giya kyatagoe koron sa diagram..Jazakillahu khairan

[kalopindo]

So lalag akunon (ND):

Giyanka e a kapagelection na isa ini a sakit a pimbaalan o parinta ko kaplalonga niyan ko pagtao a ndadatuan niyan;

Anatwa onon e tatandingan ko parinta sa pilimpinas?

So mga tao odi na ompongan o mga tao a adun a gha’as yan, mapapadalumon so 3G (Gun, Goons, & Gold)…

Pka pakay pun so 3B (Beauty, Brain & Bag).

Ogaid na sa Ranao na diyon kapakay ankanan a 3B so 3G na aya lalayon paka taban.

So pman so kapamanukhaw/kapangorakot o paka taban a datu na sii miya anad e pilandok ko maporo iyan so kapantuk yan na so maka oontod sa Malacanang. Ini pamangdao niyan ki pilandok so okit a kapanukhawa ko ompiya. Madakul a ompiya miya ka antap sa Ranao na sii bo sa karatas na ba dun pi mailaw o miyaka sasalinggogopa on. Astagfirullah! (mga balbal kumiyan siran sa mailaw).

Marayag so kapaka mbubutad o kapapantagan a miyamaka taban a mga datu. (gowani ko da makataban na daa mansion niyan, satiman e karoma, satiman e pagdaan)

Aya kasaibaratan sankae a kandatu o pakataban na lagid o “KAP’T” (linta) so miyakataban a mikakabud ko ndatuan na psosopun niyan so rogo o ndatuan.

Aya awida akal na andamanaya e ki tarug a kap’panosop ankanan a “KAP’T”(ndadatu)?

Aya mata’an na tanto dun a dii mandidingan dingan e pilandok e katagompiya niyan.

Ogaid na dadun maka pili si pilandok sa datu a adun pamikiran niyan ko katagompiya e pilandok ka aya pka pili iyan na palaya soramig ko “KAP’T” (linta). Phamli’in!

Katanodan niyo so kiya sagipoon o ompongan a aya lalisan niran na “OMPIA AN A RANAO KA NGKANO TAGOMPIYA”? na kiya dithawan tano so kiya salapidawa on o ndatuan (pilandok). na antonaa e miyasowa kagiya ko maka ndatu siran? So lalisan niran na mimbaloy a “AKAL e AMA e SEYTE” odi na “AKAL a PATO”. (TAO KANO KO PADIAN NA DIKANO PUD KO PASAIYAN). SubhanAllah!

Na miya alang-alang a pamikiran o ndatuan ka miyatangkud ko ginawa niyan a mlagilagid bs so pka pili iyan a datu ka palaya “KAP’T” (linta), na giyanan e sabap a sadun sa mala e kabombor a kandidato na ron di soramig so ndatuan.

So kapagelection sa Ranao sa masa imanto na mimbaloy negoseyo, na so negoseyo na kaplaba na so kalaba’an na ron sosoramig a pamikiran o kadakulan.

Katii so basa ko ron sa masa imanto a kap pumbotowa tano:

“PAGUNDOD SI SINAMBONG NA KAKAPORAN NIYAN BO”

“TALIKODAN OMANTA SO KAPAGELECTION KAGIYA DA A RARANTANG YAN NA DI MIPANALIPUNDA KA MAKAROROMBIKHTA”

[Sam&Shia]

(D) - myakapamenekaw ako a datu iyo k langon taman n inilangag iyo raken a datuaan akn, mlagid so pangaroma, d pkakakn, pkasakit, pag enroll taman s aya dn a kadakel n roo myaling s walay s roo dn pkoa a peken iyan.... di ta skano pman mipendarainon k gyanan e kyapasadan rkatno go gyanan e myakowa nyo rakn a kasarigan.... di ko pman mpaketed so mga pagari ko a ding golawla s kalalalongan lagid o dipasa s drug, talibono go car-napper k di makna o pamilya so awid a akal, so dadatuan akn n tanto a mga ala a e maratabat k taman s lolot iran a TAKAD n ipaninindengan iran ago aya mataan bnar n d akn rkno kaosar so bger s Goberno langid o sundaro k aya kbinasaan so inged tano.

Myakambalay ako s mala s di tano kmin ko walay ami a lawig go pletusan so atep iyan go kaolog so alkuba nyan... so trak akn n trak iyo a pkaosar iyo ko mga darpa a di kaoma o mga a-e nyo.... so IRA n a di tano d mambagibagi s langon tano ron myakakowa... kyapartialan on so ped a kuminoya ko perak s dapn kaoma o election. knaba langon kami a mga datu iyo n ba myaling s mga pragatan k adn mambo a katoon rakmi a mga datu iyo a 24/7 n kaoma nyo ko mga inged a dadatuan ami (so mga datu a mginuntulan).

Myapamasa ko s o boto o mga pndatuan akn k gyoto bo e okit a kabaloy akn a nakuda iyo ka o pginuntulanen akn so kapag election di akn minggolalan so kabaya akn ko pagingdan k tito a mala ako i antap ko inged akn ogaid n kgya aya bo a mpya a mama n s mala e kbegay n gyoto e kyapakamsa sko s boto... opama k skano a paginged ko pagingdan na aya maginuntulan s aya dn a botoan iyo so pure a marani ko mga puso iyo maana skami a mga datu iyo a malay paratiyaya go mlay siyap ko paginged n da ba tanto kabaloy a awid a akal ko kapaganged.

Byaloy o Goberno so elction para pkaalin so datu ko inged... ogaid n kgaya so paginged n aya dn d pagalin s betad n gyanan e malo adn e kasesemukti ron..

insha allah n kaoma bo so oras a pkaknaw so paginged n kalipatan iran anta e mala e kpamasa s boto ka aya isambi iranon n anta e mla e awid a akal ko pagengdan n go anta e mala e siyap ko paginged sa gyanan e kapaka moayan o pure a KAndato..

(Aya dn a pure a msosoa tano n omani isa n di tutuloda anta e mrribat e surong, ogaid n aya mataan bnar marata aki so Datu ka so nDatuan a di surang bangking ka di matao monot ko datu)

[Alim Ali Macarampat]

(ND) Ayaki Amga pagariko a mapipikir akun ko mga pagari tano sa ingud tano A ranao na Ipanolon tano so Agama a islam ago ubatano magaga a mi publish tano sa ranao apyabo mi advertise tano odi na makagalingtano sa karatas a misusuraton a so langun o umbuto na di kuwa sa perak ugaid nambutoan so kandidato a pkababayaaniyan apiya pun tukhaw a datu kauba kalokalo na umakataban so datu a tukhaw na mapamikir iyan a mangompya kamayto a myanggasto nayan sa election ka ubanyo bnar a mga datu a tukhaw oba inokano di makapangumpya kagiya pyamasa nyo so buto ami ago langun dn a awidaakal ami andadatuan na obami rukano pagapasun. sa PAKALANGKAPUN AKUN SII KO MGA MORYATAW O ARATAWATA SA UGUP KANO AGO PAMIMIKIRANGKANO ANTONAAY OKIT A KASABUTAN O MGA DATU AGO SO NDATUAN I AWID A AKAL TANO SA RANAO APYABO SASATAGA A KATARO ka antano tagumpya sa ranao KAMBALASAN TANORON O ALLAH