ArataWata.Com
Home of the Kini.Kini.Rock Music © Amomoai & Baooai
Debate 2010 - Governor, City Mayor with Candidate Answers
Di tano sii panorat ka para ini bo ko manga smbag o manga kandidato. Oba ana ptharoon ka taman sa di pn kapakasmbag o manga kandidato na kilik angka ini na siingka soratn.
>>>
April 05, 2010
Assallam Wallaikhom ko manga Guvernatorial ago City Mayoral Candidates.
Aya miyapamikir o manga ndatuaniyo sa gioto a darpa a ArataWata.Com na kagiya di kaparowan so "public debate" sa Ranao, na sii tano badn pakasisinbagaa so manga kandidato sa internet. Mapiya mambo ini ka an mala a oras a kapakapamimikiran o manga kandidato ko smbag iran. Isa pn na mbaloy dn mambo giyaya a internet a sompat o manga taritas iran, mlagilagid siranon sa kapaar.
Sa giyaya a manga smbag iyo na pakalangkap ini sa donya, ko langowan o manga bangsa tano. Na siran mambo a kipakaliliyo (NRP, Non-Resident Pilandok) na maamad iran so manga tindg iyo a manga kandidato na an iran misampay ko manga mbawataan iran sa Ranao i patot a mbotowan. So siranon sa Ranao (RP, Resident Pilandok) na mbgan tano sa print copy a giya manga smbag iyo.
Sa kataya so manga pakaiza, na aya niyo ron dn kasmbaga na sa basa Iranaon an tano makasisinabota piyapiya. Imanto na Isnen, na pakawitn iyo so smbag iyo amay ka Dyamaat, April 9, 2010 sa giya email address: Arata.Wata@ArataWata.Com.
Amay ka Sapto, April 10, 2010 na pakaprngarngann isorat, an da makapangopya, sa ArataWata.Com so manga smbag iyo. Si Arata Wata i somoraton. Sa aya a sasanaan ami na omani isa rkano a kandidato na adn a katooniyo ko pagtao niyo a pakasorat ko manga smbag iyo sa internet. Pakitokawiniyo bo ki Arata Wata o ba ana manga awida akal sa kisoratn ago kipakawitn ko manga smbag iyo.
Sa di saya makasmbag a kandidato na aya maana niyan na daa tindg iyan sa giyaya a manga pakaiza.
Tangkai niyo so manga smbag iyo ko omani pakaiza sa 300 words. Sa sobra on na kapotolon.
Saribanglaon na, aya kon a matitho a ngaran tano na Iranaon, kna oba Mranao, ka so mranao na gioto so kazong (action word) sa ranao ka ppaygo ka odi na antonaa onon i sowaan ka sa roo. Lagid opama o pagampitn ka si garingka ka zong kano sa ranao ka pagodo kano roo. Ptharoon ka na, "mranao ta gari, itaroo..."
Assallam Wallaikhom Wa Rahmatullah.
So Manga Ndatuaniyo sa Ranao
Arata.Wata@ArataWata.Com
>>>
Manga Pakaiza
Ko Kakhaoyagan
- Antonaa i pamikiran ka sa kapakala o kaoyagan ago kapakabangon sa madakl a kaoyagan?
- Antonaa i pamikiranka sa kapakaito o "economic and social reliance" tano sa Cagayan de Oro ago sa Iligan City?
- Pnggalbk ka sa makadakl so ATM machines sa PNB sa Marawi City ka an di pkargni so madakl a tao magwithdraw ko perak iran? 1+ million residents, only 2 ATM machines. Andamanaya i ikidiyangkaon ka antano di pakazong sa Iligan na roo tano di manggasto so perak tano?
Ko Kalilintad
- Antonaa i pamikiran ka sa kada a giyanan a manga dimangarasi (kidnappers, carnappers, di mamotol sa electric posts)?
- Antonaa i pamikiranka sa kapasad o manga rido?
- Andamanaya i kada a giyanan a kandagang ago kaosar sa illegal drugs?
- Antonaai pamikiran ka sa kalikai tano sa kapagabosado a gioto a tunganayngka ago pagtaongka, lagid a gioto a siyowa i Ampatuan sa Magindanao?
Ko Kapagingd
- Antonaa i pamikiranka sa kapakapiya o education? Katawan tano a minibagabagak so manga public schools tano icompare sa manga ingd a saruang a tao. So manga maetro na mababa a tanto so sowa iran.
- Antonaa i pamikiranka sa kapagongowi ko ranao? Lagid o kitargi ko illegal logging ago kalimpiyowi ron.
Ko Kanggoberno
- Pagiog ka a mipublish so monthly odi na quarterly IRA allocations and expenditures ko madakl a
tao?
- Antonaa i pamikiran ka sa kitargn sa giya kapasai sa boto?
Ko Agama
- Ay taman a kakaptingka, kinggogolalannka ago kaplindingangka ko agamangka?
- Antonaa i pamikiran ka sa kapakasowa o manga wata ko agama? So kapakabatiya sa Quran ago kitab.
Para ko Governor bo
- Antonaa i tndg ka ko kapakabaling o manga municipal mayors sii ko manga ingd iran? An iran matatayod so ndatuan iran.
- Antonaa i pamikiran ka sa kitoman ago kapkakompleto o manga government projects?
Para ko City Mayor bo
- Antonaa i pamikiranka ko waste (basura) management ago so kaplimpiyo?
- Antonaa i pamikiranka ko kapakaig (drinking water) o madakl a tao?
Para ko pithangizaan a kandidato
Aleem Abu Hanad Dimakuta
Kagarantor ka a omaka taban ka sa bebernador na dingka sayanan so mianga oonaan ka a ulama a mia thotola sa kurang? Ago kano di sosopaka a manga ulama ba daa sarig iyo ko omani isa?
City Mayor Pre Salic
So kinitarosen ka ko kiabaloy a mayor o pagaringka a si "Solitario" ba aden mambo a mini panompat ka ko mga ompiya a mianga papasad i pagaringka? Ago opama a makataban ka saroman na ba ana mala gibgay ingka a ompiya a kabaloy a dika kalipatan o madakl a tao?
Governor Bombit Adiong
Sekami a a maka lilio sa Pilimpinas na kabaya ami a sii amireka katokawi o antonaa i mga mia ngapapasad ka ko kiabaloy ingka a bebernor. Ago opama a makataban ka saroman ana mala gibgay ingka a ompiya a kabaloy a dika kalipatan o madakl a tao?
Kapakay a di smbagn ini
Pagiog ka a mitapi a Lanao del Sur sa Misamis Oriental, mawa tano sa ARMM, ka antano kaosbai gioto a di tano roo di ngastoon a perak tano, makakasoy rktano so ompiya makaokit sa tax o ditano roo dinggastoon? Lagid bo ka langon dn a pamamasaan tano na roo, taman ko kangitagita tano na roo songowi. Giyadn a pangampong a Ranao.
Views: 292
- Attachments:
Replies to This Discussion
-
Permalink Reply by Amomoai on
-
KATAYA SO SMBAG A GIYAYA A PAGARI TANO A KANDIDATO SA BEBERNOR.
Ko Kakhaoyagan
- Antonaa i pamikiran ka sa kapakala o kaoyagan ago kapakabangon sa madakl a kaoyagan?
1st- Makiphagogopa tano ko mga Municipal Mayor karipira ko mga Public Market omani Municipio ka an makandagang so khabaya dagang; 2nd- Tawagen tano a DTI para makaogop siran ko ka standard o mga Price ago katikayan so mga kilo o tarotop; 3rd- Magaden tano sa Commercial Adds para kaogopan so mga padagang ko omani municipio ko dagangan iran ankatokawi anda darpa khasongoi; 4th- Pagarapen tano ko omani emplyado / aden a Salary nian a si-i niyan osara odi na pamasa-an so pamirak ian sa Lanao Del Sur ka an mamakalaba so mga Padangang, ka aniran mitoman so isa polaos o Islam Zhakat; 5th- So Mga Ulama thawagen tano siran ka aniran kaogopi so Sangunian Panlalawigan ka aden kapamangba-ali a Resolution ma-aden so Baitol Zakat. a) Thawagen tano so maito a pekibgai nian a Zakat from P100 to P500 / Monthly; b) Omani matimo a Zakat 100thousand na imbegai ko panonompangan nian ka an mapokas sa awida-akal ko kaphaginged. and 6th- Magaden tano sa Cridet Line / garantor ko mga eplyado si-i ko mga padagang ka an mada angkai a 5-6.
Si-i ko mga Farmers; thawagen tano so mga Eng'rs / Agri ka aniran kaogopi so Sangunian Panlalawigan kapangba-alan mga Resolutions para ko farming.
- Antonaa i pamikiranka sa kapakaito o "economic and social reliance" tano sa Cagayan de Oro ago sa Iligan City?
So connection ian ko government lagid o Public Hospitals, Public Markets ago Public Schools na gianan i phangbaalan sa Resolutions ma-aden anan ko mga darpa tano sa maga-an ka ankalbodi so pagtao sa Lanao Del Sur.
- Pnggalbk ka sa makadakl so ATM machines sa PNB sa Marawi City ka an di pkargni so madakl a tao magwithdraw ko perak iran? 1+ million residents, only 2 ATM machines. Andamanaya i ikidiyangkaon ka antano di pakazong sa Iligan na roo tano di manggasto so perak tano?
Sa Provincial Capital thagowan sa 2 ATM Machines dimaminos.
Ko Kalilintad
- Antonaa i pamikiran ka sa kada a giyanan a manga dimangarasi (kidnappers, carnappers, di mamotol sa electric posts)?
1st- Si-i ko 100 days paki-ilan tano ko mga tao sa Lanao Del Sur so kashalimbago nago zero corruption ka ansiran katotowi. Marata a kepit o Iranon na "Talpi-talpi maona ko mamara", so saba-ad na gioto mapikir iran a ikhawiyag iran, khapakai pen a gioto na topo iran ko Administration. 2nd- Makiphagogopa tano ko mga Datu / Bae aden a Gerar iran para ma record so problema ko omani Municipio ka an kapangba-ali sa Resolutions pangalang ko mga dimangarasi.
- Antonaa i pamikiranka sa kapasad o manga rido?
So mga Ulama ago mga Atty ago mga Datu/Bae aden a grar iran ogopi thawagen siran aniran kaogopi so Sangunian Panlalawigan ka an mapangnal so mga rido ka an kapamangbaali sa Resolutions ka an mapasad so mga rido sa maga-an..
- Andamanaya i kada a giyanan a kandagang ago kaosar sa illegal drugs?
Sakamaoto phaki-ilai tano ko mga tao so kashalimbago, itoro tano kiran so kaperomasai ago so okit o pitibarangan a kapagintao, nago mga Ulama tano i-mala a kiogop iran si-i.
Para so mga tao na langon makangalebek na presolutionan a tendo tano sa mga gawi-i na si-i ko Oras a 2 am na pakha-andaren so mga Radio Stations na phamagenaw a tao ago phegabdas. Pendowa-a so Imam si-i sa Radio Station na merengarengan so Amen para maneg o siringan aden a dagangan nian a drugs ka an matoro odi na lomemek a puso ian tomareg dagang sa drugs.
maden tano sa matembangon so mga kanguda-an lagid o sports/jobs training kaogopan so mga lover boy/girl makawing siran sa maga-an nago matoro siran sa mapia kakhawiyagan.
- Antonaai pamikiran ka sa kalikai tano sa kapagabosado a gioto a tunganayngka ago pagtaongka, lagid a gioto a siyowa i Ampatuan sa Magindanao?
1st ago 2nd ko Diaken pengalebeken na: Diaken began sa autority so 1st Degree family aken. (Grand-father / Mother / Brother / Wife / Childrens / Cousin taman ko 2nd cousin); Waga odi na apoi angkai a kaptanko na diaken kabaya obasiran malois. Note: khapakai magaplay siran but according to due procces of qualificatin si-iko mga minor jobs only, they can also suggest good ideas. 2nd- diako phemangped ko disision a aden a kisosompaton o lolot aken odi na bolayoka aken; and 3rd- walang palakasan system...
miyaloingka Magindanao, Giya-i sabap a kiacandidato aken ka tanto tano a kiaboringan a mga Muslim. patot den a paki-ilay tano imanto so Leadership o Islam ka khabinasa so Agama tano ago mga kanguda-an sangkai a mga ped a inged ka ikhaya iran so agama iran.
Ko Kapagingd
- Antonaa i pamikiranka sa kapakapiya o education? Katawan tano a minibagabagak so manga public schools tano icompare sa manga ingd a saruang a tao. So manga maetro na mababa a tanto so sowa iran.
1st- Mga Ulama ago Mga Profesional na ogopiran so Sangunian Panlalawigan para makapangba-al siran sa Resolutions miyogop ko Education ago School Buildings; 2nd- Ogopan so mga maetro/maetra mibegai ran so Quality Teaching ko mga students iran si-i ko okit a ma seminars siran, so pikorangan sa kanono began sa Eye Glass / mawit sa Dentist para makakasag siran mangdao.
- Antonaa i pamikiranka sa kapagongowi ko ranao? Lagid o kitargi ko illegal logging ago kalimpiyowi ron.
So Tax pu-on sa NPC na baloin a 3 bagi: 1st- Imbegai sa Maliwanag ka an mipamasa sa Posti/Transformers/Korinti; 2nd- Iphamola sa kayo ko mga Kalasan and 3rd- Ipelimpio sa Lake Lanao na sarta phangba-alan sa Resolution a masala so pelibad sa popot/basora sa Lake Lanao.
- Pagiog ka a mipublish so monthly odi na quarterly IRA allocations and expenditures ko madakl a tao?
3rd ko program aken To Eradicate Corruption na Transparency. Kena uba si-i bo sa Lanao Del Sur phakarayaga ka si-iden sa Doniya sangkai a Internet ka-an makaogop so mga Muslims si-i ko kababaloi tano a satiman a lawas kiniropa-anon o Islam.
- Pagiog ka a mitapi a Lanao del Sur sa Misamis Oriental, mawa tano sa ARMM, ka antano kaosbai gioto a di tano roo di ngastoon a perak tano, makakasoy rktano so ompiya makaokit sa tax o ditano roo dinggastoon? Lagid bo ka langon dn a pamamasaan tano ago "recreation" tano na roo pkowaa. Sktano dn a isa ka probensya.
NO NO NO Pakiilai tano sekitano a mga Muslim na aden a Leadership tano nago mas genuin ka zero corruption ago mga pamikiran a mapia.
- Antonaa i pamikiran ka sa kitargn sa giya kapasai sa boto?
Giya 1st program tano ko kada angkai a corruption PHANGBA-ALAN A PANGITABAN A DA-A MANGASTO A SALAD A PAMIRAK GOV'T DIMAKAOKIT SA RESOLUTION na kitarg si-i so kapamasa sa boto ko next election Insha Allah o saken i makataban imanto. dimamasa so candidato sa boto amai ka ayabo a pekakowa nian na so salary nian ago mga personal staff ian ago so para ko gasto nian...
Ko Agama
- Ay taman a kakaptingka, kinggogolalannka ago kaplindingangka ko agamangka?
Si-i ko kapagagama na Insha Allah aden a ilmo aken ko Qur-an ago Hadith o Rasulollah S.A.W.
- Antonaa i pamikiran ka sa kapakasowa o manga wata ko agama? So kapakabatiya sa Quran ago kitab.
Ped aya ko program si-i ko Education kaphangba-ali ron sa Resolution. lagid o katagoi sa arabic subjects ko public school tano, kasokayan so mga Usatds.
Para ko Governor bo
- Antonaa i tndg ka ko kapakabaling o manga municipal mayors sii ko manga ingd iran? An iran matatayod so ndatuan iran.
Baloin ko a model a ginawa-ken ko mga Mayors, diaken ganatan Pov. Capitol inontabo igira aden a importante a trip ko mga darpa phakabegai sa kamapia-an sa Lanao Del Sur.
Imanto na matipen angkai a election na madakel den mingasto sa millions, insha allah osaken makataban na next election na osaken pen i gov na khapakai a paliogatan ko so Mayors ka da-a mapengasto iran...
- Antonaa i pamikiran ka sa kitoman ago kapkakompleto o manga government projects?
Soden so program aken ko kada angkai a corruption 1st- Pangba-alan a resulotion Da-a mangasto a salad a pamirak a gov't dimakaoikit sa resulotion. Resulotion a phangba-alan o mga Board Memebers presided by Vice-Governor. Giyai na genuin reform ka dikatarima o akal oba aya presolutioni o mga board members ago vice gov na imbegai ko isa a tao, na miyaka-ayon aya ko kiyapagintao o mga Sahaba Mosawara, nago phakaogop siran a mga Ulama ko agama, ago Mga Ulama ko Western Educations ago mga Datu/Bae aden a gerar iran ko kaphamangba-al sa resolutions; 2nd- Tikayan ko so phengapapasad a resulotion ko kabaloi nian a QUALITY; 3rd- Transparency, Si-i sa Internet na apiya so pending a resulotions na pakharayagenon. Insha Allah
Kapakay a di smbagn ini
- Pagiog ka a mitapi a Lanao del Sur sa Misamis Oriental, mawa tano sa ARMM, ka antano kaosbai gioto a di tano roo di ngastoon a perak tano, makakasoy rktano so ompiya makaokit sa tax o ditano roo dinggastoon? Lagid bo ka langon dn a pamamasaan tano na roo, taman ko kangitagita tano na roo songowi. Giyadn a pangampong a Ranao.
No No No. Paki-ilai tano sekitano a mga Muslims na aden a Leadership tano. ka so Islam na aya puntos ian na Leadership...
aditional aken para katokawan sa Ranao:
Si-i ko kaphamangba-al sa Resolutions na magokit tano ko Fundamental Procedure ko kangastoa ko pamirak a governo. So 20% development fund na baloin oto langon kapangarsada ka an mapasad sa maga-an so mga karsada taman imanto na damasiminto.
Asar ka ditano mamagombawa na langon kapasad insha allah so mga awida akal ko inged tano, inotano pakarayaga sa internet ka antano kapanabangi o mga Muslims ka sangkai a critical situation tano na dimlakai so IRA oba nian katalakepan so mga awida akal sa inged ko soled o 1 term.
Sangkai a phakatalingoma a election 2013 na probable a ma Biometric Registration a Pinas, imanto automation na marayag angkai a madakel miyada ko registration tano. khapakai pen a madakel a mada a bario odi na posible pen aden a mada a municipio sabap ko kiada o pagtao sa Ranao. Pamakotan tano imanto a 2010 na madakel a mapasad tano a projects sa Ranao ka imposible amai ka makaito so IRA aya kathagompia ranao sa maga-an.
Ilidas tano a ginawa tano sangkai a tiyoba miyangolaola sa Maguindanao miyakaboring ko mga bontal tano a mga Muslim, ayabo kapakaponas tano sa boring mga Muslim sa Pinas na gia Lanao sabap ko sekitano i 90% and above na Muslim na mabaloi a Lanao Del Sur a Model ko Zero Corruption...Tabangan tano o Allah
Madakel a panalamat si-i rekano mithandingan si-i sangkai a pakaiza. Balasan tano o Allah sa madakel a mapia.
Pu-on a sembag ago pamikiran aken ago saken i misorat si-i
Ahmadjan M. Abdulcarim
For Governor Lanao Del Sur
About
© 2024 Created by Amomoai.
Powered by
