Kataya pn so isa a subject a ba nda kna oba awida akal ko pd ogaid na para rakn na lagid o margn a kaorian sa giyaya a taritib tano. Aya a di akn di tharoon na giya taritib tano ko kapamagawida. So awidan. Giayaya i pirmiro a olaola o Iranaon.
Aya nda a kailangan na ma refine tano giya a taritib kagiya tanto ko miyakala i arga ago so kadaklan ko bangsa tano na ka mimiskinan, na di iran kalotang. Na aya masosowa iyan na so di pakagaga ko awidan na pkaya domarpa kagiya da maka tabang. Na opoon gioto i makalilid a pamikiran na sii dn kaorian sa ka da a giya a taritib tano a kapamagawida. Na giyaya i pinaka core a giya a taritib ago igma o Iranaon, sa katawi ko ron. Na opoon mada so kapagawida, na miyadadn a giya bangsa tano. Antonaa pn i miyalamba?
Ino opama ko mbaloyn tano badn a symbolic so katabang. Opama na pmbaloyn badn a koridas so katabang. Lagid opama o P100.00, bapiya antonaa i miyapantag, pangaroma, piyatayan, antonaaonon san. So pman so titho dn a madasg ka a mala i tamok, na da dn a limit o ipamanton kaon. So mambo so pangaroma na di niyan kasanaan so tunganay niyan sa itabang on. Makapanimo pasin na go bo makapangaroma.
Madakl san pn aki a di niyan di mipamankaw sa beberno na so awidan. So pman so sabagi na miyawa sa Ranao ka di pakagaga sa awidan.
Sa odi tano ini takora na sii ki rirong sa kagnkan, amay ka miyakadakdakl dn a tanto a di ron pakalotang ko manga tonganay tano a miskin.
Antonaai pamikiran iyo ron? So taritib na igira kwan na pkabago depende ko kapakabbtad o magingd.
So makakaayon sa ka refine iyan na sorat sa (A) sa poro o post iyan. So di na sorat sa (D) sa poro o post iyan.